شيكو طاطا حلو سهل ولذيذ.......... بالصور

بسم الله الرحمن الرحيم

الطبق دة مش اختراعى اوى بس انا كنت قريتة فى موقع نستلة وعجبنى وحذفت منة حاجات وضفت حاجات ومعرفش اسمو اية
فسميتو
شيكو طاطا

المكونات:

كريم شانتية
بسكوت سادة
شكولاتة بودرة او كاكاو
نسكافية محلى
علبة قشطة (ياريت مش بلدى لانها مش بتنفع)

الطريقة :

بيجب قالب كبير او قوالب صغيرة حسب عد د الافراد وبجهز نسكافية بلاك وبحلية وابدء اغمس البسكوت فى النسكافية ثوانى على طول وبشيلة وارص فى القالب



فى الوقت دة بكون مجهزة علبة القشطة بحط عليها شكولاتة البودرة كمية مناسبة بردو ومعلقتين كريم شانتية علشان تسهل الخلط شوية واحطها فى الفريز لحد لما اوصل للمرحلة النهائية




بعد كدة بحط الطبق التانية كريم شانتية



بعد كدة بحط واكمل طبقات البسكوت انا بعمل طبقيتن ممكن عادى تعملى تلاتة وفى الاخر خالص بحط طبقة القشطة مع الشكولاتة وبدخلها الفريز نص ساعة وبتكون جاهزة بعد كدة وبحطها عادى فىالتلاجة



على فكرة انا بموت فىالطبق دة بجد لذيذ اوى وطعم النسكافية بيجنن والف هنا